想成為電單車一族，首先當然要有個駕駛執照先啦！目前香港認可o既駕駛訓練場只有兩個，一個係香港駕駛學院，另一個係荃灣駕駛學院，故此都別無他選了。如果你一次過Pass，費用大概$5000左右。各院校o既價錢都差唔多，豐儉由人。香港駕駛學院地方大，而且分校多。荃灣駕駛學院暫時係全港唯一有蓋之駕駛訓練中心，學員不受日曬雨淋之苦，考試更唔會因天雨而改期啦！
而路試方面，亦有其他選擇，有老字號"貴記"、鏗鏘駕駛學校及好運駕駛學校。可想而知，電單車o既市場有一定o既發展，未來o既香港，電單車可能會係主流o既交通工具。
學車唔係難，難就難在肯唔肯花時間去學，如果認為自己手車唔掂，就記得補多兩個鐘，話唔定你第日仲勁過羅絲仔呢？！
本人僅代表電單車技術討論網，祝各位準騎士一Take過啦。
提提你：
1) 香港電單車牌分為自動波及手波，考取手波可以領取埋自動波牌。
2) 整個考牌時間約半年。
參考資料： 香港駕駛學院、荃灣駕駛學院、李健駕駛學院、好運駕駛學校、鏗鏘駕駛學校。
綿羊仔大揭秘
( 1 ) 右手手把
加速、控制前輪煞制、指揮燈及著車。
( 2 )左手手把
控制後輪煞制、車頭大燈及Horn。
( 3 )錶板
主要顯示車速、已行里數、電油量及大燈、指揮燈之狀況。
( 4 )車頭大燈 及 指揮燈
根據香港法例，行車時必須開大燈。
( 5 )側架 及 大架
可讓電單車停泊得更平穩。
( 6 )車箱 及 入電油位
留意：唔係架架車個入電油位都一樣架！
( 7 )尾箱
如果發覺車箱空間唔夠用，可以附加尾箱。
( 8 )腳撻
當電單車無電不能啟動時，便需要腳撻，都幾困難架！
鼓型制動
一般電單車都用呢個制式，新款電單車已逐步趨向用碟煞。
行車篇
由暫准駕駛執照「P」牌，到合資格考取到電單車車牌期間，依照香港法例規定都必須通過12個月的「P」牌。為確保行人、駕駛者、及其他道路使用者安全，持有「P」牌駕駛者必須遵守以下限制：
(1) 在電單車或三輪車前及後之當眼處，必須掛有「P」字牌。
(2) 不得接載乘客。
(3) 「P」牌人士不得超過每小時70公里的車速。
(4) 三條或以上的快速公路上，不得使用最右線。
因公路及快速公路定義有所模糊，故本編已於運輸署網頁找出答案：
快速公路及主幹路圖片
主幹路是連接重要的市區和地區的繁忙道路。一些主幹路已劃定為快速公路。所有快速公路及大部分主幹路，均為高水準的多線分隔行車道，設有分層道路交匯處，可供大量車輛快速行駛。
下列是已劃定為快速公路的道路，尚有其他快速公路尚待興建。
A.沙田路（獅子山隧道公路至大埔公路沙田段）
B.吐露港公路（大埔公路沙田段至林錦公路交匯處）
C.粉嶺公路（吐露港公路至新田交匯處）
D.新田公路（新田交匯處至青山公路潭尾段）
E.元朗公路（十八鄉交匯處至藍地交匯處）
F.屯門公路及荃灣路（皇珠路至葵涌道）
G.大埔公路沙田段（火炭路至吐露港公路）
H.沙田圍路（天橋及大老山公路，沙田路至吐露港公路）
I.觀塘繞道
J.港島東區走廊
K.北大嶼山公路（青嶼幹線收費廣場至東涌東交匯處）
L.青嶼幹線（青衣西北交匯處至青嶼幹線收費廣場）
M.青葵公路（西九龍公路至長青隧道）
N.長青公路（長青隧道至青衣西北交匯處）
O.青朗公路（青衣西北交匯處至新田公路）
快速公路起點及其延續的標誌牌
快速公路終點的標誌牌
快速公路起點及其延續 快速公路終點
註：資料來源 - 運輸署
P牌要注意D乜??、 P牌法律罅。
「P」牌字樣規格
← Click下佢，放大黎睇下！
試試自己手車
第一次當然o係屋企附近，因為比較熟悉道路環境。建議最好o係朝早時段，因為視野較清晰，而且車輛又比較少。
第二次可以選擇遠離屋企附近，直到操控純熟先好騎出市區。
確定自己o既駕駛技術後，不妨到一D比較旺o既地方(例如：旺角、尖沙咀、銅鑼灣、北角)，測試一下自己能否應付所有路面環境。記得，要注意車速同行車路線呀！
保險篇
對於一般新牌仔黎講，大多新騎士購買250cc或以下o既綿羊、街車，所以P牌全攻略亦暫只介紹綿羊，其他車款亦不費唇舌。因近年保險業競爭激烈，保費已比以往大幅下滑。如果你有NCB (No Claim Bonus)的話，保費更加得到折扣。有些車行亦會代辦第三者保險，不過也是因車種而定，一般150cc綿羊仔第三者保險費用約$2000左右，而250cc-400cc；400cc-750cc的街車、Fairing車第三者保險相對下就貴得多，保費約$3000到$4000不等。
亦順帶一提大家，買保險時，要清楚保單內之細節，以防萬一發生意外的話，不了解雙方所承擔o既責任。
頭盔選購篇
好喇！買完車，都要買返個靚靚頭盔做陪襯。其實頭盔不單只係一件裝飾品，仲係一個可以保護我地個靚仔靚女頭的一個好工具。市面上頭盔o既種類、款式花多眼亂，但點先至係適合自己呢？咁就因人而異喇，一款好o既頭盔除左能真正保護到你之外，仲要戴得舒服，用料要好，外型仲要靚仔添。仲要諗下，可唔可以放得落車箱內呢？因為綿羊仔o既車箱有時未必放得落高身、大隻o既頭盔，所以買之前記得注意呢幾項細節。香港最受歡迎o既頭盔，莫過於Arai、SHOEI，佢地除左係名牌子，有一定o既擁躉之外，佢地o既品質o係行內中亦數一數二，而且size比較適合東方人。其他名牌子包括：SUOMY、SHARK、Airoh、OGK、BELL、等等．．．
提提你：
1) 建議買內綿可以鬆出來，以方便清洗。
2) 切勿將貴重頭盔或物品放於車內，以免賊人光顧！
3) 想頭盔望落潔淨，可定時打臘，但記緊切勿留下臘水！
以下就介紹幾款大熱o既頭盔俾大家睇睇啦。
保養篇
如果你係買新車的話，編者建議每行3000–5000公里便要到車行作例行檢查。不過記緊，新車落地時，Run-in期大約一千至二千公里，期間唔好激烈加速及將油門去得太盡，亦不應令到愛驅過於疲勞。
所有車亦應注意定期更換偈油，特別係綿羊仔，因為綿羊仔o既偈油(以150cc-250cc綿羊為例)，通常都只得1-1.5公升左右，用得耐(里數多)，會因為磨擦關係，偈油o既雜質就越來越多，變得越來越深色。就等於我地身體o既血一樣，冇晒氧份，變得越來越深色。如果你想愛驅保養得好，運行得暢順，就記得定時更換偈油喇！
偈油隔亦係另一種定期要換o既消耗品，換偈油時，順便換埋，乾手淨腳。大概換偈油三次後，偈油隔亦應該要換。
註：請參照車主手冊。
本網亦有過往之討論，請參閱 → 偈油一問、API SJ不適用於棍波車、想問check車價錢。
- 偈油 -
以 150cc-250cc 綿羊仔計，大概 1000-1500公里，更換一次。
- 油隔 -
綿羊仔大概3000-5000公里，更換一次。
- 火咀 -
大概 5000-10000公里，更換一次。
- 迫力皮 -
視乎情況而更換
- 水箱水 (冷卻劑) -
定期檢查是否足夠 ，約每年更換一次。
- 電池 -
電池壽命大約 2-3年
- 迫力油 -
大概 10000-15000公里或每年，更換一次
- 尾牙油 -
大概 10000-15000公里或每年，更換一次
- 車呔 -
如果呔紋太淺，地面濕滑，要份外小心！
留意車呔的呔紋至少要深1毫米，並且起碼要蓋過車呔面四分三的寬度。
- 鏈油 -
鏈傳動的電單車留意，特別於洗車、落雨後添加。
- 呔氣 -
足夠呔氣可以增加車呔耐用性。
150cc呔氣最少保持頭28尾30；
250cc綿羊或街車大約頭30尾32；
400cc街車大約頭32-34尾34-36；
當然視乎車款而定。
駕駛技術
要做一個精明o既駕駛者，第一：要熟悉自己愛驅的特性。第二：熟悉及留意該路段o既交通情況。第三：多問，多請教。
駕駛技術，好難於三言兩語之內令「P」牌人士明白。
注意事項
所有「P」牌人士，如果o係暫准期間觸犯嚴重o既交通條例，可令駕駛者被扣10分或以上，即時會吊銷牌照，但如果扣分少於10分，則將暫准期延長半年，期間如再次觸犯其中條例，即會吊銷其牌照。奉勸所有「P」牌人士，唔好做一D不智o既行為，一年好快過，唔做唔錯。
小心駕駛，安全第一。
「P」牌試路景點篇
如果你已經考到牌，又買左車，都要用D時間同架車溝通下。唔係叫你同架車傾計，而係同佢走幾轉。
我地精心介紹下面幾個「正」點，俾你地同架車慢慢溝通溝通啦。亦歡迎各會員提供路線、景點、相片等，email俾我 cash@dsproshop.com
，幫下D新牌同其他寂寞o既車友。
如果死火，或者有事發生，開唔到車咁點好？
就梗係搵我地Sunny拖車王啦！佢係我地網站o既首席拖車王，拖車包無刮花撞損。記低佢電話啦：9095 3049 Sunny哥。
【正料推介 : 拖車10% OFF】
最後祝所有「P」牌人士順利於366日內成功甩「P」，路路亨通！
useful link:
運輸署:電 單 車、機 動 三 輪 車、私 家 車 及 輕 型 貨 車 的 暫 准 駕 駛 執 照 計 劃
'P牌'全攻略
